Vuçiç istefa tarixini AÇIQLADI

Yazını böyüt

Yazını kiçilt

Serbiya Prezidenti Aleksandar Vuçiç sentyabrın əvvəlindən əvvəl istefasını elan edə biləcəyini, növbədənkənar parlament seçkilərinin isə qarşıdakı üç-dörd ay ərzində keçirilə biləcəyini bildirib.

Hafta.az xəbər verir ki, o, bu barədə mətbuat konfransında danışıb.

"Bəli, seçkilər yaxınlaşır. "Yaxınlaşır" deyəndə qarşıdakı üç-dörd ayı nəzərdə tuturam. Baş nazir vəzifəsinə namizəd olub-olmayacağıma gəlincə, hansı qərarı qəbul etsəm də, hər şey şəffaf olacaq. Eynilə istefamı elan edəcəyim vaxt da. Bu, avqustda və ya sentyabrın 1-də baş versə belə, heç kim üçün gözlənilməz olmayacaq. İnsanlar bunu həm indi, həm də iyulun sonunda gözləyə bilərlər", - Vuçiç deyib.

Xatırladaq ki, iyunun 27-də Serbiya Prezidenti bir neçə həftə ərzində dövlət başçısı vəzifəsindən istefa verəcəyini açıqlamışdı. O, eyni zamanda hakim Serbiya Tərəqqi Partiyasının qarşıdan gələn parlament seçkilərində qələbə qazanmasına kömək edəcəyini bildirmişdi.

Bundan əvvəl isə Vuçiç növbədənkənar parlament seçkilərinin payızda - sentyabrın sonu ilə noyabrın ortaları arasında keçiriləcəyini bəyan etmişdi.